प्रार्थना श्री सद्गुरूंची

॥ श्री गणेशाय नमः ॥ ॐ द्रां दत्तात्रेयाय नमः ॥ 

सद्गुरूनाथा, हात जोडीतो अंत नको पाहू । उकलुनि मनीचे हितगुज सारे, वद कवणा दावू ॥धृ.॥ निशिदिनी श्रमसी मम हितार्थ तू, किती तुज शीण देऊ । हृदयी वससि परि नच दिससी, कैसे तुज पाहू ॥१॥ उत्तीर्ण नव्हे तुज उपकारा जरी, तनु तुज वाहू । बोधुनि दाविसी इहपर नश्वर, मनीं उठला बाऊ ॥२॥ कोण कुठील मी कवण कार्य मम, जनी कैसा राहू । करी मज ऐसा निर्भय निश्चल, सम सकला पाहू ॥३॥ अजाण, हतबल, भ्रमित मनीची तळमळ कशी साहू । निरसूनि माया दावी अनुभव, प्रचिती नको पाहू ॥४॥

॥ श्री गुरुदेव दत्त ॥