॥ श्री गणेशाय नमः ॥ ॐ द्रां दत्तात्रेयाय नमः ॥
आरती दत्तात्रेय प्रभूंची । करावी सद्भावें साची ॥धृ.॥
श्रीपद कमळा लाजविती । वर्तुळ गुल्फ रम्य दिसती ॥ कटिस्थित कौपिन ती वरती । छाटी अरुणोदय परि ती ॥ वर्णूं काय तिची लीला ?। हीच प्रसवली । मिष्ट अन्न बहु । तुष्टचि झालें ॥ ब्रह्म-क्षत्र आणि । वैश्य-शूद्रही । सेवुनिया जीची । करावी सद्भावें साची ॥१॥ गुरुवर सुंदर जगजेठी । त्याच्या ब्रह्मांडें पोटीं ॥ माळा अवलंबित कंठीं । बिंबफळ रम्य वर्ण ओष्ठीं ॥ अहा ती कुंदरदन शोभा । दंड कमंडलु शंख चक्र करि ।
गदा पद्म धरिं । जटा मुकुट शिरीं । शोभतसे ज्याची ॥ करावी सद्भावें साची ॥२॥ रुचिरा सौम्य युग्म दृष्टी । जिनें द्विज तारियला कुष्ठी ॥ दरिद्री ब्राह्मण बहु कष्टी । केला जिनेंच संतुष्टी ॥ दयाळा किती म्हणुनि वर्णूं । वंध्या वृद्धा । तिची सुश्रद्धा ।
पाहुनि विबुधा । पुत्ररत्न जिस । देऊनियां सतिची ॥ इच्छा पुरवियली मनिंची ॥३॥ देवा अघटित तव लीला । रजकहि चक्रवर्ति केला ॥ दावुनि विश्वरूप मुनिला । द्विजोदरशूल पळें हरिला ॥ दुभविली वांझ महिषी एक । निमिषामाजीं । श्रीशैल्याला ।
तंतुक नेला । पतिताकरवीं । वेद वदविला ॥ महिमा अशी ज्याची ॥४॥ वळखुनी शूद्रभाव चित्तीं । दिधलें पीक अमित शेतीं ॥ भूसुर एक शुष्क वृत्ती । क्षणार्धें धनद तया करिती ॥ ज्याची अतुल असे करणी । नयन झांकुनी । सवें उघडितां ।
नेला काशीस । भक्त पाहतां ॥ वार्ता अशी ज्याची ॥५॥ दयाकुल औदुंबर मूर्ती । नमितां होय शांत वृत्ती ॥ न देति जनन मरण पुढती । सत्य हें न धरा मनीं भ्रांती ॥ सनातन सर्वसाक्षि ऐसा । दुस्तर हा भव । निस्तरावया ।
जाऊनि सत्वर । आम्ही सविस्तर ॥ पूजा करूं त्याची ॥६॥ तल्लिन होऊनि गुरुचरणीं । जोडुनि भक्तराज पाणि ॥ मागे हेंचि जनकजननी । आता मजला ठाव देई चरणीं ॥ नको मज दुजें आणिक कांहीं । भक्तवत्सला । दीनदयाळा ।
परमकृपाळा । श्रीपदकमळा । दास नित्य ज्याची ॥ उपेक्षा करूं नको साची ॥७॥
॥ श्रीगुरुदेवदत्त ॥
॥ दिगंबरा दिगंबरा श्रीपाद वल्लभ दिगंबरा ॥ दिगंबरा दिगंबरा श्रीपाद वल्लभ दिगंबरा ॥
॥ दिगंबरा दिगंबरा श्रीपाद वल्लभ दिगंबरा ॥
No comments:
Post a Comment