॥ श्री गणेशाय नम: ॥ ॐ द्रां दत्तात्रेयाय नमः ॥
अस्य श्री दत्तात्रेय कवच स्तोत्र महामंत्रस्य आंगिरसो भगवान ऋषी: अनुष्टुप छंद:
श्री दत्तात्रेय: परमात्मा देवता, ऐं बीजं, क्लीं शक्ति:, स्वाहा कीलकं,
मम् श्रीदत्तात्रेयप्रसादसिद्धर्थे जपे विनियोग:
अथ ध्यानं
ध्यायेत संयमिसेवितांघ्रिकमलं तत तत प्रकाश उज्ज्वलं मायागूढविहारिणं यदि सदा माहिष्मतीपावनम् ॥
रेवातीरविहारिणं यतिवर भक्तार्तिनिर्वाहकम् ॥
योगारुढमतिं प्रसन्नवदनं योगीश्वरीशं भजे ॥
अथ कवच प्रारभ्यते
पूर्वस्यां दिशि योगीश: आग्नेय्यां दिशि माधव: ।
दक्षिणे पातु सर्वात्मा नैऋत्यां भक्तवत्सल: ॥१॥
प्रतीच्यां पातु ब्रह्मण्यो वायव्यां च दिगंबर: ।
उदीच्यां सुव्रत: पातु ईशान्ये पातु भद्रद: ॥२॥
अधस्तात विष्णुभक्तस्तु सर्वत: पातु सर्वग: ।
दत्तात्रेय: शिर: पातु ललाटं मौनिशेखर: ॥३॥
भ्रूमध्यं पातु सर्वज्ञो नेत्रे पातु दयानिधि: ।
नासां पातु महायोगी श्रुतिं पातु श्रुतिप्रिय: ॥४॥
स्कंधौ मनोजव: पातु पार्श्वे च पुरुषोत्तम: ।
करयुग्मं च मे पातु कार्तवीर्यवरप्रद: ॥५॥
नखानपातु अघसंहारी कक्ष्यौ पातु भयापह: ।
नारायणात्मक: पातु वक्षसी स्तनयोस्तथा ॥६॥
पृष्ठत: सर्वदा पातु सर्वलोकनियामक: ।
उदरं च अच्युत: पातु नाभिं पातु महात्मक: ॥७॥
अत्रिपुत्र: कटिं पातु सक्थिनि पातु शाश्वत: ।
गुह्यं च मे सदा पातु नग्नवेषधर: पर: ॥८॥
ऊरु पातु त्रिकालज्ञो जानुनी पातु शंकर: ।
जंघे मायाजित: पातु पातु गुल्फौ स्वयं प्रभु: ॥९॥
पादौ पातु सदाभोगी सदायोगी करांगुलि: ।
त्रिकालज्ञो अखिलवपु: पातु रोमाणि सर्वग: ॥१०॥
ॐ नमो भगवते दत्तात्रेयाय, सर्वलोकैकसन्नुताय, सर्वनियामकाय, सर्वतंत्राय, सर्वकामफलप्रदाय, सर्वविद्यापारंगताय, सर्वयोगींद्रमुनींद्रसेविताय, सर्वभक्तलोकरक्षणाय, सदाब्रह्मचर्यव्रतधराय, मायागूढविहाराय, जडोन्मत्त-मूक-बधिरस्वरुपाय, नग्नवेषसंचाराय ॥
ॐ नमो भगवते दत्तात्रेयाय, मुनिपतये, सर्वदेवाभयप्रदाय, सर्वराक्षसविनाशकारणाय, सर्वोपद्रवनिवारणाय, सर्वमंत्र-यंत्र-तंत्रनिवारणाय, सर्वग्रहोच्चाटनाय, सर्वरोगविनाशनाय, ॐ ह्रीं क्रों क्षौं क्रूं ह्रीं ह्रूं श्रीं ॥
ॐ नमो भगवते कार्तवीर्यसमुद्धरणाय, रेवानदीजलक्रीडापरायणाय, माहीष्मतीपुरनिवासाय, अनसूयागर्भसंभूताय, अत्रिनेत्रानंदकराय, क्षणमात्रलोकसंचारणाय, शम-दम-यम-नियमसंपन्नाय, ब्रह्मराक्षस-भूत-वेताल-पैशाचिक-शाकिनी-डाकिनी-पूतनादि ग्रहनिवारणाय, आश्रितार्ति निवारणाय, संस्मरणमात्रसन्निहिताय, श्रीदत्तात्रेयाय योगीश्वराय सर्वकार्याणि मे साधय साधय, सर्वदा रक्ष रक्ष हुं फट स्वाहा ॥
॥ इति श्री दत्तात्रेय कवच स्तोत्रं संपूर्णम ॥
श्री दत्तात्रेय कवचाचा मराठी सार्थ अनुवाद इथे वाचता येईल.
No comments:
Post a Comment