॥ श्रीगणेशाय नम: ॥ ॐ द्रां दत्तात्रेयाय नमः ॥
वाट चाललो गिरनारीची, दशसहस्त्र त्या पथवाटेची ।।
पदी पदी आठव त्या दत्ताची, दत्तगुरुंची दत्तगुरुंची ।।
जय गिरनारी, जय गिरनारी, जय गिरनारी, जय गिरनारी ॥
प्रथम ओलांडली मी तीन शिखरे, काम क्रोध लोभ ही खरे ।।
दिसू लागली मग गुरुचरणे ।।
लगबग लगबग वरती गेलो, पवित्र मंगल चरणांवरी त्या मस्तक ठेवुनी ।।
धन्य मी झालो, धन्य मी झालो ॥
भानावरती मग मी येता, समजुनी चुकलो मी हा पुरता ।।
केवळ दत्तकृपेने मी हो, शिखर ते चढलो, शिखर ते चढलो ॥
त्या शिखरी हो प्रचंड वारा, त्या शिखरी हो प्रचंड वारा, गुरुकृपेचा तो हा सारा ।।
त्या वार्याने मी पण माझे, कधी उडविले मज नच कळले ।।
वाटे माझे तप अजि फळले, वाटे माझे तप अजि फळले ।।
दत्ताच्या ह्या दरबारी अजि, कधी पोहोचले, ते नच कळले ।।
दत्ताच्या ह्या दरबारी अजि, मी रुजु झाले, रुजु मी झाले ! ।।
No comments:
Post a Comment