कृतार्थ करण्या जन्म आपुला ...

॥ श्री गणेशाय नमः ॥ ॐ द्रां दत्तात्रेयाय नमः ॥

कृतार्थ करण्या जन्म आपुला । नित्य भजा गुरूवरां । स्मरां हो दिगंबरासी स्मरां । स्मरा हो दत्तगुरूंना स्मरां ॥धृ.॥ गुरूपदांना करता वंदन । संसाराचे तुटते बंधन । सदैव स्मरूनी दत्तपदांना । ताप भवाचा हरा ॥१॥ जिथे भक्तिने प्रभूचे गायन । तिथे विराजे अत्रिनंदन । नामामृत हे अखंड सेवुन । जीवाला उद्धरा ॥२॥ ज्ञानभक्तिच्या उजळुनी ज्योती । गुरूनामाची गात आरती । सद्‌भावांच्या भावफुलांनी । पूजन गुरूंचे करा ॥३॥