श्री गौरीपतिशतनामस्तोत्रम्

॥ श्री गणेशाय नमः ॥ॐ द्रां दत्तात्रेयाय नमः ॥ ॐ नमः शिवाय ॥

बृहस्पतिरुवाच - नमो रुद्राय नीलाय भीमाय परमात्मने । कपर्दिने सुरेशाय व्योमकेशाय वै नमः ॥१॥ भावार्थ : देवगुरु बृहस्पति म्हणाले - रुद्र, नील, भीम आणि परमात्म्यास नमन असो. जटाधारी, देवांचेही देव तसेच आकाशरूपी केश धारण केलेले व्योमकेश यांना मी नमन करतो. 

   वृषभध्वजाय सोमाय सोमनाथाय शम्भवे । दिगम्बराय भर्गाय उमाकान्ताय वै नमः ॥२॥ भावार्थ : ज्यांच्या ध्वजावर वृषभाचे चिन्ह आहे असे वृषभध्वज, पार्वतीपती सोम, चंद्रदेवतेचे रक्षक सोमनाथ अशा शम्भू महादेवास नमस्कार असो. सर्व दिशा हेच ज्यांचे वस्त्र आहे असे दिगंबर, तेजस्वरूप भर्ग, तसेच उमापतीस मी नमन करतो.  

   तपोमयाय भव्याय शिवश्रेष्ठाय विष्णवे । व्यालप्रियाय व्यालाय व्यालानां पतये नमः ॥३॥ भावार्थ : जो सर्वदा तपमग्न असतो, ज्याचे रूप कल्याणकारी आहे, तो शिवश्रेष्ठ, विष्णुस्वरूप, सर्पांचे आश्रयस्थान, सर्पस्वरूप, तसेच सर्पांचा स्वामी आहे अशा परमेश्वराला नमन असो. 

महीधराय व्याघ्राय पशूनां पतये नमः । पुरान्तकाय सिंहाय शार्दूलाय मखाय च ॥४॥ भावार्थ : या धरेस (पृथ्वीस) धारण करणारा, व्याघ्ररूपी, पशुपती, त्रिपुरासुराचा विनाश करणारा, सिंहस्वरूप, शार्दूलरूपी आणि यज्ञस्वरूप महादेवास मी वंदन करतो.

   मीनाय मीननाथाय सिद्धाय परमेष्ठिने । कामान्तकाय बुद्धाय बुद्धीनां पतये नमः ॥५॥ भावार्थ : जो मत्स्यरूप, मत्स्यनाथ, सिद्ध आणि परमश्रेष्ठ आहे, ज्याने कामदेवाचा नाश केला आहे, जो ज्ञानस्वरूप आहे अशा मेधापतीस नमन असो.

  कपोताय विशिष्टाय शिष्टाय सकलात्मने । वेदाय वेदजीवाय वेदगुह्याय वै नमः ॥६॥ भावार्थ : जो कपोत (ब्रह्मदेव ज्यांचे पुत्र आहे), विशिष्ट (सर्वश्रेष्ठ), शिष्ट (साधुपुरुष) तथा सर्वात्मा आहे. जो वेदस्वरूप, वेदांना संजीवन देणारा तसेच वेदांतील गूढ तत्त्व जाणतो अशा ईश्वरास मी वंदन करतो. 

दीर्घाय दीर्घरूपाय दीर्घार्थायाविनाशिने । नमो जगत्प्रतिष्ठाय व्योमरूपाय वै नमः ॥७॥ भावार्थ : जो दीर्घ, दीर्घरूप, दीर्घार्थस्वरूप तसेच अविनाशी आहे, जो या सकल चराचर जगताचा उत्पत्तीकर्ता आहे, तसेच सर्व चराचर व्यापून टाकणाऱ्या व्योमरूपी महादेवास नमन असो. 

   गजासुरमहाकालायान्धकासुरभेदिने । नीललोहितशुक्लाय चण्डमुण्डप्रियाय च ॥८॥ भावार्थ : गजासुराचा कर्दनकाळ असणाऱ्या, अंधकासुराचा विनाश करणाऱ्या आणि जो नील-लोहित-शुक्लस्वरूपी आहे तसेच चण्ड- मुण्ड नामक शिवगण ज्यास अतिप्रिय आहेत अशा श्रीशंकरांस नमन असो. 

    भक्तिप्रियाय देवाय ज्ञात्रे ज्ञानाव्ययाय च । महेशाय नमस्तुभ्यं महादेव हराय च ॥९॥ भावार्थ : ज्यास भक्तिभाव प्रिय आहे, जो महादेव आहे, जो ज्ञाता आणि ज्ञानही आहे, जो अव्यय (विकाररहित) आहे, जो महादेव आणि हर या नावांनी प्रसिद्ध आहे, अशा महेशास मी नमस्कार करतो. 

   त्रिनेत्राय त्रिवेदाय वेदाङ्गाय नमो नमः । अर्थाय चार्थरूपाय परमार्थाय वै नमः ॥१०॥ भावार्थ : ज्याला तीन नेत्र आहेत, तीन वेदस्वरूपी, आणि जो वेदांग (वेदांतील कठिण शब्दाचें अर्थ स्पष्ट करणारें शास्त्र) आहे अशा शिवरूपास नमन असो. जो अर्थ (धन), अर्थरूप (काम) तथा परमार्थ (मोक्षस्वरूप) आहे अशा परब्रह्मास मी प्रणिपात करतो.

      विश्वभूपाय विश्वाय विश्वनाथाय वै नमः । शङ्कराय च कालाय कालावयवरूपिणे ॥११॥ भावार्थ : जो या अखिल विश्वाचा स्वामी अर्थात जगन्नियंता आहे, जो विश्वरूप आणि विश्वनाथ आहे. जो काळ आणि कालावयवरूप आहे अशा शंकरांस नमन असो. 

  अरूपाय विरूपाय सूक्ष्मसूक्ष्माय वै नमः । श्मशानवासिने भूयो नमस्ते कृत्तिवाससे ॥१२॥ भावार्थ : जो रूपरहित आहे, विरूप आहे तथा सूक्ष्माहूनही सूक्ष्म आहे. जो स्मशानभूमीत वास करतो आणि व्याघ्राम्बरधारी अशा महादेवास मी पुन्हा पुन्हा नमस्कार करतो.

   शशाङ्कशेखरायेशायोग्रभूमिशयाय च । दुर्गाय दुर्गपाराय दुर्गावयवसाक्षिणे ॥१३॥ भावार्थ : जो ईश्वर असूनही भयंकर अशा स्थळीं शयन करतो, त्या भगवान चन्द्रशेखरास नमस्कार असो.  जो अभक्तांना अतिशय दुर्गम आहे, ज्याचे स्वरूपज्ञान होणे अतिशय दुष्कर आहे, जो दुर्गम अवयवस्वरूप (दुर्गारूपी पार्वतीचा पती) आहे अशा गिरिजापतीस नमन असो. 

  लिङ्गरूपाय लिङ्गाय लिङ्गानां पतये नमः । नमः प्रलयरूपाय प्रणवार्थाय वै नमः ॥१४॥ भावार्थ :  जो शिवलिंगरूप, अविकारी आणि आत्मज्ञानी आहे. त्या सदाशिवास नमन असो. महाप्रलयरूप रुद्रास नमन असो, आणि प्रणवाचे आदितत्त्व अर्थात परमात्मारूपी  श्रीशंकरांस मी वंदन करतो.

  नमो नमः कारणकारणाय मृत्युञजयायात्मभवस्वरूपिणे  । श्रीत्र्यम्बकायासितकण्ठशर्व गौरीपते सकलमङ्गलहेतवे नमः ॥१५॥ भावार्थ : जो आदिस्वरूप आहे, जो मृत्युंजय तथा स्वयम्भूरूप आहे अशा परब्रह्मास नमस्कार असो. हे श्रीत्र्यम्बका,  हे नीळकंठा,   हे शर्वा,  हे गौरीच्या स्वामी तू कल्याणकारी, मंगलमय आहेस. तुला नमन असो.   

॥ इति गौरीपतिशतनामस्तोत्रं सम्पूर्णम् ॥