सुंदर हे रूप गोजिरे सुकुमार । दिसे मनोहर, स्वामीराज ॥
एक कर कटी शोभतो साजिरा । रुद्राक्ष हो हार, गळा एका ॥
केशराची उटी, कस्तुरी ललाटी । भक्ताचे हो संकटी उभा असे ॥
सरळ नासिक शोभते वदना । रत्नाची हो खाणी, स्वामीराज ॥
वैराग्य विभूती, कौपिन शोभत । असे ते स्वरूप स्वामीराया ॥
चरण मृदू असे नवनीतापरी । वंदिता कैवारी, स्वामीराज ॥
लावण्याचा गाभा, ज्योतीची ही प्रभा । भक्तासाठी उभा, सर्वकाळ ॥
स्वामीसुत म्हणे, काय वर्णू रूप । खरे तीच एक स्वामीराया ॥
" आम्हांसि न लगे द्रव्य-अघ । आपल्या घरासि जा रे नीघ । घराचे उकीरड्यांत टाकून दे ओघ । हा दगड तेथे नेऊन ठेव रे ॥" ब्रह्मनिष्ठ वामन रावजी वैद्य रचित श्रीगुरुलीलामृतात वर्णिलेला हा 'दगड' म्हणजेच या पावन पादुका होत.
साक्षात त्या ब्रह्मांडनायकाच्या आशीर्वादाने स्थापन झालेल्या केज येथील या श्री स्वामी समर्थ मठास स्वामीभक्तांनी शक्य झाल्यास अवश्य भेट द्यावी आणि या विशेष सोहळ्यास उपस्थित राहून श्री स्वामी समर्थ महाराजांच्या कृपाशीर्वादाचा लाभ घ्यावा.
श्री स्वामी समर्थ मठ संस्थान, केज - या सोहळ्याविषयीची सविस्तर माहिती इथे उपलब्ध आहे.
केजकर स्वामी - महारूद्रराव देशपांडे यांचे चरित्र इथे वाचता येईल.