श्री गोंदवलेकर महाराज पुण्यतिथी उत्सव २०१९

स्वामी माझा पाहिला या माणगंगातीरी । सद्गुरु तो देखिला या माणगंगातीरी ll माणगंगातीरी प्रभु हा गोंदवले पुरी ll स्वामी माझा पाहिला या माणगंगातीरी ll धृ. ll

ब्रह्मचैतन्याचा गाभा । प्राप्त नोहे कमलनाभा । भोळ्या भाविक भक्तांलाभा । धाऊनिया आला । या माणगंगातीरी ll १ ll

गौरवर्णकांती । मूर्तीमंत शांती । दया क्षमा शोभे चित्ती । रामनामी रंगला। या माणगंगातीरी ll २ ll

केशरी त्रिपुंडभाळा । गळा तुळशीच्या माळा । कफनी टोपी शोभे ज्याला । पादुका पायाला ll या माणगंगातीरी ll ३ ll

गाई ब्राह्मण अनाथांचा । कैवारी तो दिनांचा । विश्वास या नामाचा । जगी वाढविला ll या माणगंगातीरी ll ४ ll

भवभार फार झाला । जीव तळमळु लागला । सगुणरुपे धावत आला । अभयवर दिला ll या माणगंगातीरी ll ५ ll

आनंदसागर दास दीन । पदी घेतसे लोळण । तुझे रुप हे सगुण । सदा राहो डोळा ll या माणगंगातीरी ll ६ ll

ll श्रीराम श्रीराम श्रीराम ll