॥ श्री गणेशाय नम: ॥ ॐ द्रां दत्तात्रेयाय नमः ॥ ॥ श्री गुरुवे नम: ॥ श्रीपादराजं शरणं प्रपद्ये ॥
गोदातट पवित्र पिठीकापूर स्थान ।
सगुण रूपाने करिसी जगताला धन्य ।।
आपळ - सुमती - बापन्नासी भाससी तू सान ।
निर्गुण रूपे भूषविसी ब्रह्मांडाचे आसन ।।
जयदेव जयदेव जय सदगुरु दत्ता हो श्री सदगुरु दत्ता ।
श्रीपाद श्रीवल्लभ परब्रह्म रूपा जयदेव जयदेव ।।१।।
संकल्पासी कथूनी तू कार्यासी धरिसी ।
मुनिजन - साधू - भक्ता निर्भय तू करिसी ।।
खल - कली - कामी जनांही तू उद्धरसी ।
अभिनव लीले पातक कर्मा नाशविसी ।। जयदेव ० ।।२।।
अंध पंगु भ्रात्यांना आरोग्य ते दिधले ।
कुरवपुरासी जाऊनी मुनिजन उद्धरिले ।।
दर्शन मात्रे तुझिया अनेका संतत्व ते फळले ।
प्रिती तुजवर जडुनि कर्मांचे बंधन हे जळले ।। जयदेव ० ।।३।।
नामानंदासी दाखविले चांडाळाचे रूप ।
वल्लभदासासी आणिले अरण्यातून सुखरूप ।।
लोहकारासी रक्षुनी धरिसी गाडीवानाचे रूप ।
निमिषमात्रे करिसी रजकाचा तू नृप ।। जयदेव ० ।।४।।
ब्रह्मा - विष्णू - महेश्वरांचा तू अनघा अवतार ।
निर्गुण ब्रह्म सनातनाचा अनंत आधार ।।
नेती-नेती म्हणता पुढती पडले समस्त श्रुतीसार ।।
दत्तदासावरी असावा तव कृपेचा कर ।। जयदेव ० ।।५।।
No comments:
Post a Comment