॥ मज भेटुनि जा हो....॥

मज भेटुनि जा हो दत्तसख्या अवधूता ||

का तुम्ही कमंडलु विसरून आला इथे

प्रिय श्वान आज ते तुम्हांसवे का नसे

काखेची झोळी ती विसरून गेला कुठे

परि तुम्हास पुरते ओळखिले मी आता ।। १ ।।

किती व्याकुळतेने तुम्हास मी आळविले

ह्रदयीचे भावही व्यथितपणे कळविले

इंद्रियास दमुनी चित्ताला वळविले

का उगाच असली सत्वपरीक्षा घेता ।। २ ।।

किती सुयोग सुंदर भेटीचा मज दिला

ना वियोग तुमचा कधी घडावा मला

सर्वस्व भाव मी चरणी तव वाहिला

मन रंगुनि गेले गुरुराया हे आता ।। ३ ।।

****************************