|| श्री गणेशाय नमः ||
|| दिगंबरा दिगंबरा श्रीपाद वल्लभ दिगंबरा ||
वाडीग्रामी जाउनिया, नमूया गुरूपदा ।
कृपे हरतो जो, नाना आपदा ||
माथा टेकूया, नृसिंह स्वामीपदा ।
निरखितसे जो, कृपादृष्टी सदा ||
सद्-गद वाचे हो, त्याचे नामवदा ।
रूप पाहुनिया, हृदयी मोद सदा ||
औदुंबर तळवटी, ध्यानस्थ सदा ।
भावे प्रदक्षिणा, करुनि नमू पदा ||
कृष्णदास, हृदयी अधीर सदा ।
दर्शन करण्यासी, श्रीनृसिंहपदा ||
झिजवा काया गुरुसेवेस । संपतील मग सर्व प्रयास ।
सुखकर होईल जीवनप्रयास । करतील गुरु अंतरी वास ||
नित्य करी जो गुरु स्मरण । गुरुस कसे त्याचे विस्मरण ।
गुरुसेवेची घ्या रे आण । सापडेल गुरुकृपेची खाण ||
No comments:
Post a Comment